DJ婚享記 : 婚禮後記Part 2

 Part 1 同大家講過出入門註冊時嘅趣事 （見： https://djwedding2020.blogspot.com/2020/05/dj-part-1.html），今次就同大家講下晚宴嘅事啦。

Decoration:

我地搵左decoration公司幫我地做backdrop，油畫架，photo table 同埋reception。由於要最後果個星期先知道可唔可以早d 到場地set up，為免阻礙迎賓時間，我地只係揀左做一個單層嘅紙板backdrop，利用美術效果令到佢感覺上立體少少，set up時間較短，價錢亦都比較便宜。

Photo Table/Reception:

雖然搵左decoration 公司幫手，但係相簿呀簽名簿果d，係要自己放上去架，不過要set up，前後都係需要幾分鐘。

Candy Corner:

婚禮上嘅Candy Corner 係D小姐嘅童年夢想，所以係絕對唔可以無架。叫Decoration 公司幫手整埋candy corner, 價錢實在太貴，加上要完完全全控制個製成品係點，不如D小姐自己DIY！

由於D小姐無咩美術天分，係機緣巧合嘅情況下，係Part 1 同大家介紹過嘅E&M Collections 到買左一個decoration set, 仲有相介紹埋要點樣set up，D小姐只要跟住張圖，再買其他container同埋自己喜歡嘅糖果，加少少氣球，就做到自己夢想中嘅Candy Corner 啦。

婚禮後記：

有好多人都話，你big day 果日無時間處理好多野，叫我交俾別人，但小妹真係唔同意，包括以下：

1. 利是唔會有時間自己派? 

－錯，媽媽，姊妹，同新娘嘅化妝師，佢地係全日最早同新娘接觸嘅人，人地入到你屋企，都要時間set up, 你果時絕對有十秒八秒派利是。

－兄弟姊妹利是要係攝影師影住相拍住片嘅時間派。

－攝影師利是，新郎哥可以係女家屋企樓下派。

－補派開門利是，食午餐時新郎哥絕對有時間可以派。

－花車司機利是，全日大把機會派。

－小巴司機利是，呢個就真係要搵個兄弟幫手。

－晚宴職員利是，其實迎賓前新郎哥真係好得閒。

2. 自己整candy corner? 唔好玩啦，交俾兄弟姊妹啦！ 

- 無人俾你更清楚你想點，只要事前plan 好想點set, 一早問定場地俾定你需要嘅野 (例如要幾多隻玻璃杯呀，幾多隻碟呀咁)，放係指定位置，你絕對可以係化妝前自己set up，如果真係趕唔切，新郎哥幫到你，都係果句，迎賓前佢係好得閒架。

3. 出門要check 下d 野有無帶齊，你邊有時間呀？

－即使你brief 晒各位要拎d 咩，唔代表人地一定會記得，人地唔記得，一句唔好意思，唔通你鬧佢咩？ 出門時，係，要望住鏡頭，但係由女家拎去男家嘅野真係比你想像中少，加上香港地d 屋有幾大？ 望一望，唔會阻你幾多時間，記住，只有你先會咁緊張自己嘅野！

4. 你唔會有機會follow up with 各個vendor?

-錯，事前一晚，send 個message 俾花車／小巴司機，化妝師，攝影師，律師...需要幾多時間？ 第二朝起身後再check 下化妝師攝影師起左身未，係咪on the way, 一個message, 需要幾多時間？出發去外景時，係花車度再send message俾律師，又有咩難度呢？ 

唯一可能要別人幫手就係聯絡花車／小巴司機，叫佢地係指定地方等，但由於牽涉禁區停唔停到車，有人趕佢走要兜個圈，之類，所以建議搵熟悉屋企附近嘅親友幫手。

5. 自己做自己嘅time keeper?

- 無錯，個rundown 係你自己整嘅，相信只有自己先至可以由尾背返上頭，自己先至最清楚幾點鐘需要做d 咩，所以，只要身邊嘅人話到你知依加係幾點，自己管理返d 時間去做各樣嘅野，係無問題嘅。

希望以上嘅野可以幫到大家。

DJ婚享記－婚禮攝影

 D小姐同J先生都認為，婚禮攝影比pre-wedding 更為重要，因為前者無take two，d 相影得唔好，最重要嘅相無影，記錄唔到重要嘅一刻，就真係一個遺憾，即使攝影師道歉，甚至退款，亦都無補於事，因為並唔係錢嘅問題。

由於J先生嘅工作關係，認識好多行內朋友，亦有幸介紹左Iconic Production 呢間公司俾我地。

因為係朋友介紹，仲要係一個介紹一個，我地對佢地有信心，唔會擔心會失約，無入card 影相，唔見晒d 相，等等嘅事。

我地出入門註冊，以及晚宴呢兩日都係搵佢地，有以下想分享：

1. 非常準時，呢點係好重要。

2. D 小姐左右兩邊身影相效果唔同，攝影師兩日都會記住及定時提點。

3. 事前會幫手睇下個rundown，確保係make sense，減少overrun嘅機會。

4. 敬茶時嘅細節會加以提點。

5. 剪片及回相速度超快。

有興趣可聯絡：https://www.facebook.com/iconicproduction 

DJ 婚享記－ 新娘化妝

新娘化妝價錢差距好大，最平幾千蚊一日，最貴高達幾萬蚊，D 小姐自問就真係唔捨得俾成幾萬蚊去化妝，可能因為太有自信，覺得天生麗質，結婚果日又係主角，點化都會靚嘅。

D小姐係網上做過好多research，見到有新娘講big day甩漏事件，包括有化妝師失約，真係令我好擔心，所以唔想就咁上網搵個化妝師，咁唯有向朋友用過嘅化妝師著手。

比較過幾個化妝師嘅價錢，style同埋朋友嘅評價，揀左Elke Zheng 去試妝。

試妝前一晚，化妝師好細心地提醒我著白色衫去，方便睇到妝容係著婚紗時嘅效果。

當日試左兩妝兩頭，由於同行只有J先生，未能夠即時問其他朋友意見，決定稍後先回覆化妝師。

經諮詢朋友後，決定揀用Elke，而本人出入門註冊，以及晚宴兩日用過佢之後，有以下想分享：

1. 佢好準時，唔洗擔心因為佢遲到而影響出入門／迎賓時間。

2. 佢好快手，轉妝好快，令我可以比預期影更多嘅靚相。

3. 妝容突出得黎又會好自然，睇返相都會認得果個係自己。

4. 佢會俾意見新娘，同時都會聽佢意見。

有興趣可以聯絡佢: https://www.facebook.com/elkezhengmakeup 

DJ婚享記 :囍帖印刷 (二)

有人話2020年嘅新人特別經得起風浪，面對住疫情嘅影響，政府朝令夕改嘅政策，難免對婚禮籌劃會有一定嘅影響。

 

臨時臨急要改期，有人會將婚禮婚宴分開舉行，亦有人選擇全部改期。好可惜，往往改期都係係最後關頭先決定改，婚宴嘅喜帖已經印好晒，改期嘅話，究竟係重印，定還是有其他方法呢？

 

D小姐嘅婚宴係疫情下已經改左兩次期，第一次改期，對日期充滿信心，決心重印喜帖，因為係重印嘅關係，我地只印內卡，而無再訂信封 (喜帖款式請見DJ婚享記 :囍帖印刷)，亦都係因為咁，我地要撕開原先嘅內卡，再貼新嘅上去，真係非常花心機及時間，更加係唔太環保。但係為左靚及得體，呢個係唯一辦法。

 

面對第二次改期，難度又要再重新花錢，時間及心機，再去做手工嗎？今次改期又唔會係最後一次？ 邊個可以肯定呢個日子一定能夠舉行到婚宴而無需再改期呢？ 答案係： 無人。所以D 小姐同J 先生諗到兩個方法： 一，就係印一張改期通知卡。二，就係印貼紙去覆蓋舊嘅日子。

 

衡量過價錢，美觀，環保，以及清晰角度，D 小姐及J 先生都認為印貼紙係最理想嘅。

 

同之前一樣，我地會繼續支持淘寶。呢間店出貨超快，星期五早上下單，下午有稿睇，之後就大量印刷，星期六傍晚出貨，星期一下午就收到貨啦。

 

落單時只要清晰話俾店主知你嘅用途，貼紙嘅呎寸，每個字嘅高度，字體嘅款式及顏色，以及貼紙嘅底色，佢地就會盡量配合你架啦。

 

有興趣可以聯絡佢地：https://bit.ly/3gQJP3D

DJ婚享記 : 婚禮後記Part 1

我地嘅婚禮原本係諗住一日內做晒出入門、註冊同埋晚宴，諗住係最經濟實惠，亦都係最方便嘅一個做法。

好可惜，因為疫情同埋限聚令嘅關係，婚禮及婚宴被逼要分開兩日，先做出入門及註冊，稍後先至補擺晚宴。

係度同大家分享下出入門及證婚嘅一點一滴啦。

籌備篇：

1. 大家要上多d 唔同嘅婚禮blog，從中join 多d whatsapp group，同唔同準新人交流。

2. 婚禮用品唔一定樣樣都要買新，可以係facebook ／ Whatsapp Group／ 百利地庫 / 朋友圈中買到好多二手而仲好新淨嘅野架，環保d又可以慳d。

3.  除左金都同百利之外，仲有一間叫E&M Collections 嘅婚禮用品店，佢定時會有open day，場內嘅款式同價錢亦都非常親民。

4. 好多物資淘寶真係幫到你架，連運費好可能比係香港買更加平，值得大家留意。

出入門：

攔門花球：係金都，百利同埋好多賣婚禮用品嘅店舖見到好多攔門花球都唔合心水，好巧合地係一個新娘

group 見到一個二手而又係親手做嘅花球，價錢亦都比出面買嘅平，就決定買左佢啦。

花球：

花球有分鮮花、保鮮花同埋絲花。鮮花有香味，但係要用水養住，要小心處理。保鮮花方面，雖然價錢係貴，但係仿真度十足，又保存得耐。至於絲花，價錢比較平，又唔怕凋謝。

原先小妹諗住出入門用絲花，證婚及晚宴先用鮮花，可惜突如其來婚宴要延期，所以出入門及註冊只能用絲花。

花球唔止可以係婚禮用品店同埋花店買，其實仲有好多唔同嘅網店，可能你會擔心未見過實物就買會唔穩陣，但其實好多都有open day，你地可以上去睇完之後先決定買唔買架。

車花：

用得花車，又點少得裝飾呢？係唔同婚禮用品地方見到車花或花車公仔價錢真係驚人，小妹實在唔捨得，最後又係係婚禮用品whatsapp group 度同已婚嘅新娘購入，又靚又平。

花車:

之前已經同大家講過小妹對倫敦的士幾有情意結（見https://djwedding2020.blogspot.com/2020/03/dj_11.html ） ，坐過之後，真心覺得，靚就真係幾靚，但係夏天坐就真係好熱，因為佢冷氣唔夠，不過車速就比預期快，司機亦都非常準時，亦都無因為貪方便而叫我地經隧道到達目的地。

證婚場地：

早前同大家講過，因為疫情關係，小妹唔再能夠用晚宴場地做證婚，律師樓嘅所謂特式場地亦實在太不喜歡，最後搵到一個適合20人嘅證婚場地 (見：https://djwedding2020.blogspot.com/2020/04/dj.html ）。

場地真係好靚，除左加錢整左兩個人名牌之外，我地都係帶左小小相架，氣球同埋相簿做佈置。

主持人亦都非常專業，好熟悉輕婚禮嘅流程，即使律師離開後個婚禮亦都好有氣氛。

期待遲d再同大家分享晚宴嘅一點一滴。

DJ婚享記 : 姊妹裙-thirty 30 (後記）

早前同大家介紹過Thirty 30呢間姊妹裙店，Big Day過後，等我同大家做個分享先。

店主係2月初同我地講，因為疫情嘅關係，原先嘅廠未能如期開工，如果想穩陣少少，可以選擇其他款式，由第二間廠製作，咁就可以確保係big day前一個月俾到貨我地。

新款式叫Infinity dress，換句話講即係一條裙可以綁出十幾種款式，好處係變化多多，唔好處就係要花時間自己綁。

當時因為實在太多未知數，亦都擔心疫情影響婚禮籌備，無辦法之下唯有轉款式。最激嘅係我無睇過實物就決定要轉，由於兩款裙用唔同物料，布嘅顏色都有少少出入，店主幫我揀左最接近嘅顏色後再通過whatsapp 確認後就成事了。

見到製成品後，竟然比預期嘅好，拎裙時店主都好有心機教班姊妹點樣根據小妹嘅心意去綁裙，仲俾我地錄埋video 返屋企慢慢練添。

店主由頭到尾跟到足，即使疫情關係影響原本嘅貨期，都盡辦法令到我班姊妹有靚靚裙著。

DJ婚享記：小型婚禮場地

早前政府宣佈左有關婚禮及婚宴最新嘅政策之後，我地兩個同屋企人商量後決定如期註冊，晚宴改期。

由於本身計劃於晚宴場地證婚，晚宴改期下，要重新搵過場地證婚，時間唔多，賓客又少，要搵到適合嘅場地一d都唔容易。

1. 我地第一時間梗係諗上律師樓註冊，一黎確保有個場地，二黎唔駛額外加錢租場，上網睇過佢地比較上靚嘅「空中花園」嘅相，覺得都唔錯，但經實地考察後，發覺網上相片同實境實在有一定程度嘅差距，個場又細又唔grand，完全做唔到D小姐由細到大都夢想同爸爸march in 嘅一幕，所以決定努力再搵場地。

2. 自從政府推出新措施後，好多影樓都推出婚禮場地租用嘅package，無野食無野飲，只係用作證婚場地及拍攝。由於時間關係，我地只能睇一個場地，可惜座位有限，太有party room 嘅感覺，facebook page又非常新，感覺好唔穩陣，所以都係放棄左。

3. 最後俾我地搵到個婚禮專用場地-Hold My Hand，離地鐵站只需步行10分鐘，以花草為主題，配合木椅，感覺非常特別，加上場地好適合做march in，亦都可以係門外等待大門打開去進場，完全合D小姐心水。雖然價錢係三個選擇中最貴，但係都係值得嘅。

星期六日下午唔多商戶要開工，所以黎得呢個樓層都係黎參加婚禮嘅。

門口位置可以放一d相簿做decorations，亦有相架提供。

設有Dummy cake，可以即場切蛋糕影相。

有需要嘅仲可以加少少錢整埋名牌，依加要咁急地改變婚禮模式，真係唔多時間再出去俾人整，有d錢總要俾人賺。

DJ婚享記：古董花車

小妹好喜歡英國，細細個就夢想結婚當日要坐倫敦的士出嫁，精心佈置嘅古董名車綴以盛放鮮花，掛上"Just Married"嘅牌，載着快樂嘅couple，馳往幸福目的地。

可惜係香港可以租用嘅vendor唔多，有部分仲係判上判，感覺唔多穩陣，過往亦都聽過唔少唔開心嘅經歷。

機緣巧合地有朋友推薦呢一間信譽良好嘅花車公司－Royal Classic Wedding，有唔同顏色嘅倫敦的士供應，仲可以安排我地睇完車，上去坐下，先至落訂，俾大家睇下d相先：

由於小妹實在太喜歡架花車，落訂留期嘅費用亦都相當合理，所以睇完車無耐就落左訂啦。

租車時填我個名同其他資料做介紹人仲有折扣，想知多d資料嘅歡迎pm我啦。

DJ婚享記:註冊結婚

擬結婚通知書既申請程序相信好多準新娘新郎都好清楚，以搵婚姻監禮人為例，要係結婚日期前1－3個月上律師樓簽文件，之後擬結婚通知書就要係婚姻登記處展示兩星期至三個月，期間無人反對先可以註冊結婚。

D小姐一直都以為係婚姻登記處有塊告示板去展示呢d 擬結婚通知書，想係入紙之後去見識下，順便睇下d 明星點樣俾人發現佢地準備結婚。

上網做過Research之後，先至原來唔係係告示板展示，而係一部電腦。

以沙田婚姻登記處為例，入門口後轉左，有一部電腦，你只需要：

1．揀登記處地點。

2．揀辦擬結婚通知書嘅日期。

3．慢慢搵就會搵到自己份擬結婚通知書。

註： 聽網友講大會堂同埋紅棉路婚姻登記處係無得睇架，大家要留意。

DJ婚享記 :囍帖印刷

認識D小姐嘅朋友都知佢一向都好喜歡粉紅色，亦都因為今個婚禮係以呢個色系為主題，所以帖都會用返相關嘅顏色。

之前見過朋友用燙金囍帖，D小姐真係非常喜歡，可惜係香港印實在太貴，所以決定上淘寶搵"親"幫忙啦。

由於三月下旬先過大禮，D小姐一心諗住農曆年過後先訂囍帖，可惜因為疫情嘅關係，大陸好多廠都延遲復工，機緣巧合地搵到一間叫「喜帖街私人定制」嘅舖，可以做到我地想要嘅款式之餘，仲可以保證二月底前出貨俾我地。

復工之後親就以九秒九時間起貨俾我地，仲可以係出貨前影相再send 一份sample俾我地睇一睇。由出貨到收到貨前後都只係48小時，非常efficient。

睇下我地揀左邊款？

實物不論紙質同顏色都非常高質，真係值得一讚。

有興趣睇下佢地款嘅可以瀏覽佢地個page:

https://bit.ly/3cib7P1 

如果想知點樣可以同親拎到個更加好嘅優惠歡迎留言問我啦。