DJ婚享記:註冊結婚

擬結婚通知書既申請程序相信好多準新娘新郎都好清楚，以搵婚姻監禮人為例，要係結婚日期前1－3個月上律師樓簽文件，之後擬結婚通知書就要係婚姻登記處展示兩星期至三個月，期間無人反對先可以註冊結婚。

D小姐一直都以為係婚姻登記處有塊告示板去展示呢d 擬結婚通知書，想係入紙之後去見識下，順便睇下d 明星點樣俾人發現佢地準備結婚。

上網做過Research之後，先至原來唔係係告示板展示，而係一部電腦。

以沙田婚姻登記處為例，入門口後轉左，有一部電腦，你只需要：

1．揀登記處地點。

2．揀辦擬結婚通知書嘅日期。

3．慢慢搵就會搵到自己份擬結婚通知書。

註： 聽網友講大會堂同埋紅棉路婚姻登記處係無得睇架，大家要留意。