DJ婚享記 : 試衫篇 - Classy Bridal

Classy Bridal 呢間婚紗店係我朋友有份開嘅，店舗位於荔枝角，早前sample sale上過去睇，見到d款都唔錯，但係由於無得改之餘，又要搵地方收藏，所以都係打算租，見到佢地嘅價錢都算合理，就約時間上去睇下喇。

由於D小姐有脊柱側彎，揀衫方面有好多限制，女店員都好細心幫佢揀下有咩類型嘅衫適合佢，前後婚紗同晚裝各試左兩件，但都未有「叮」一聲嘅感覺。

印象中，客人join左佢地package之後可以得閒就上去試衫再轉款，總之有期就可以，非常適合一d有焦慮症，好多野擔心，又怕遲d揀到d更靚嘅款而唔敢落訂嘅新娘。

至於男禮，選擇比預期多，款式同質料都唔錯，但係由於女裝未揀啱，所以都想睇多幾間繼續揀下。